सोलापूरच्या पालकमंत्रिपदी जितेंद्र आव्हाड यांची नियुक्ती

मुंबई : सोलापूरचे पालकमंत्री दिलीप वळसेपाटील यांना पदमुक्त करण्यात आले असून त्यांच्या ऐवजी आव्हाड यांची नियुक्ती करण्यात आली आहे. सध्या कोरोना विषाणू संसर्ग रोखण्यासाची एकीकडे युध्दपातळीवर प्रयल होत असताना मंगळवारी अचानकपणे पालकमंत्री बदलण्याचा निर्णय शासनाने घेतला. त्यामुळे हा राजकीयदृष्ट्या चर्येचा विषय ठरला आहे. तथापि, वळसे-पाटील यांनी कामगार व राज्य उत्पादन शुल्क ही दोन्ही महत्वाची खाती सांभाळत असताना कामाच्या वाढत्या व्यापामुळे सोलापूरच्या पालकमंत्रिपदावरून मुक्त करण्याची विनंती राष्ट्रवादी काँग्रेसचे सर्वेसर्वा शरद पवार यांच्याकडे केली होतीत्यानुसार त्यांना पदमुक्त करण्यात आले आहे. ही माहिती स्वतः वळसे-पाटील यांनी प्रसिद्धीसाठी पाठविलेल्या निवेदनातून दिली आहे. यापुढे सोलापूरचा पालकमंत्री महणून काम करणार नसलो कामगारमंत्री या नात्याने सोलापूरकडे आपले सतत लक्ष राहील. सोलापुरात कामगारांची मोठया प्रमाणात आहे. त्यांचे विविध प्रश्न सोडविण्यासाठी आपण प्राधान्याने लक्ष देणार असल्याची ग्वाही त्यांनी दिली आहे. सोलापूर जिल्ह्याचे पालकमंत्रिपद गृहनिर्माणमंत्री डॉ. आव्हाड यांच्याकडे सोपविण्यात आले आहे. यासंदर्भात शासन आदेशही तातडीने जारी करण्यात आला आहे.